C.P.E.B. RIBADEDEVA

Cuentu

2006-02-09T11:42:00.000+01:00

Cuentu n'asturianu—EL GUAHE RICU Y EL PROBE—

Nun pueblu pequeñín vivía un guahe que nun tenía amigos porque yera mui probe, golía mal y nun tenía dineru. La so familia yera mui buena. Su madre trabayaba nuna guertuca pa un señor que-y pagaba mui pocu y so padre trabayaba nuna mina. El guahe cada día taba mas triste porque nun tenía con quien xugar. Un buen día llegó un guahe nuevu al pueblín. Yera un guahe mui ricu y los sos padres yeran dos actores famosos. Habíen comprao una casa enorme con un prau guapu y una fuente preciosa nel mediu. La pequeña casina del guahe probe taba mui cerca de la del guahe ricu. Pasaron unos díes y cuandu volvían del colexu encontraronse de caminu a casa, comenzaron a falar y asina fizieronse mas o menos amigos. Tolos díes na casa del guahe ricu había munchos guahes del pueblu, diven a xugar con el, bueno, coles sos coses, porque tenía unos xugetes mui caros que ellos enxamás tendríen. Un día el ricu invitó al probe a dir a la so casa. En cuantu entró los demás guahes que taben na casa del ricu entamaron a protestar. Nun queríen tar con esi guahe, el ricu díxolos que nun-y importaba y que nun-yos vovería a falar y los guahes respondieron que tampocu-yos importaba y que nun-yos volvería a falar y klos guahes respondieron que tampocu-yos importaba, que sólo taben con él polos sos xuguetes. Pasó un tiempu y el probe y el ricu yeran mui amigos, sólo se teníen el unu al otru. Llegó un día nublaú y lluviosu y fueron a casa del ricu a xugar. Taben xugando a la pelota y el probe de pronto pidioy agua al ricu. Los dos guahes baxaron a la cocian a por un vasu d’agua. El probe vió un cupón de lotería encima de la mesa, fixóse nel númberu que tenía y sorprendióse munchu al ver que yera unu premiaú, viérelo na televisón de casa del ricu. Ensin dixir na, el probe coyió el cupón y guardolu nun bolsu. El ricu nin s’enteró. Esi mismu día cuandu empezó a tapecer, el probe fue pa casa corriendo y dixo-y a so madre lo del cupón. Pasó una semana y el ricu nun veía al probe per ningún llau. Pensó que igual taría malu, paecía-y mui estraño que nun fuere a buscalu a casa; al día siguiente llamaron a la puerta del ricu y cuandu abrió vió al so amigu’l probe vestíu con una luxosísima ropa y preguntó el porque d’esas pintas. Mui asombraú, el probe dixo que robare un cupón de la so cocina porque él nun tenía nada y l’otru tenía demasiao dineru. El ricu enfadóse munchísimu y echólu de la so casa. Pasaron los díes y el probe ensiguida fizo muchoa amigos pero después dióse cuenta de que nun yeren de verdá, que sólo taben con él por su dineru. Asina que fue onde’l ricu y pidiólu perdón, díxole que taba desesperaú porque nun tenía dineru y el ricu perdonolu y volvieron a ser mui amigos los dos.

---FIN---

El lladrón de Pimiangu

2006-02-09T11:41:00.000+01:00

Nun día, fai non muchu tiempu, nun pueblu nomáu Pimiangu, unos neños xugaben al fútbol. Los neños llamábense Xuanín, Pachín, Javito y Xaimín. Taben xugando tranquilamente cuando la madre de Pachín los llamó a toos pa que fueren a ver la tele. Decíen qu’un lladrón había robao un bancu y taba escondíu cerca del pueblu. Los neños teníen un pocu de mieu pero decidieron dir a buscar al lladrón. Buscaron toos nel horru pero nun había nadie. Pero de sópitu escucharon un roíu na casa del balcón que taba abandonada. Javito que yera’l más rápidu fue p'allá y alcontrólu dormiendo y, cerca d'él, el dineru nun sacu. Llegaron los otros amigos y Pachín que yera’l más cautelosu coyó-y la bolsa y marcharon a avisar a la policía. Unes hores más tarde llegó la policía y garráronlu corriendo per un campu de panoyes. Los neños yeren mui famosos y ficieron lo que más-yos gustaba a ellos: xugar al fútbol.

2006-02-09T11:24:00.000+01:00

CUENTU: L’EQUIPU FÚTBOL
Nun pueblín piquiñin d’ Asturies, vivíen cuatro neños pertravesaos que siempre taben pela cai y nun-yos gustaba ná estudiar.
Encantábayos xugar al balón y el so sueñu yera llegar a ser futbolistes.
El llunes yera’l cumple de Xuan y ente to los neños regaláronle-y una pelotina nueva. Xuan púnxose percontentu cuando lu vío y lo primero que ficieron fue ponese toos a xugar.
Taben entreteníos y de repente salió pela ventana la madre de Pedrín gritando mui emocionada y díxo-yos a los neños que subieren hasta casa, que tenía que conta-yos una cosina perimportante.
Los neños subieron mui rápido y deseando saber qué pasaba.
Cuandu s’ enteraron de lo que pasaba punxéronse mui contentos pues yera que anunciaren pela radio qu’ un rapaz andaba buscando a neños pa entrar nun equipu de fútbol y taba faciendo pruebes per tolos pueblos d’ Asturies.
Les pruebes nel so pueblín yeren mañana cerca d’ un horru qu’ había ellí cerca.
Llegó'l día de les pruebes, los neños taben percontentos y nerviosos, el rapaz que-yos fixo les pruebes yera mui simpáticu y quedó mui contentu colos cuatro neños y gustaba-y cómo xugaben, asina que decidió coger a los cuatro neños pa formar el equipu. Los neños nun podíen creer lo contentos que taben. Esigida toos fueron a so casina a contalo ‘n un mes y mientres los neños esperaben impacientes, seguíen faciendo lo k más-yos gustaba: xugar al fútbol.

LA GRIPE DEL PITU

2006-02-08T09:40:00.000+01:00

Too diba como davezu nun pueblín llamáu Párrade: los neños xugaben al balón, los pitos y les pites corríen peles cais, hasta qu´un día los neños tuvieron la xenial idea de xugar colos pitos.

Entós entró-yos fiebre del pitu a los neños y morrieron por culpa d'ella.
D'ehí p'alantre nesi pueblín ya nada volvió a ser como antes yá que tuvieron que matar a los pitos y les pites. Unos años más tarde nel pueblín nun quedaba nadie, toos fueron morriendo de la fiebre del pitu y nel pueblín ya nun quedó nengún alma.
Años más tarde llegaron dos tontos "mui tontos" llamaos Eduard, que se dedicaba al pastoréu y Angelinho, que yera butaneru . Los dos volvieron al pueblu porque de pequeños yeren d'ellí, pero como yeren adoptaos marcharon yá que los sos padres yeren mineros y la mina fundióse y morrieron los dos y tuvieron que dir a casa de los güelos de los neños. Cuando llegaron vieron que taben toos muertos y ellos asina, de repente, morrieron del disgustu.
THE END

A Manolín dio-y la sede

2006-01-22T23:49:00.000+01:00

¿Sabemos cuntar hestories?
A partir d'estes imáxenes o d'otres asemeyaes los alumnos tienen que cuntar la hestoria. Nun ye mui difícil, pero de lo que se trata ye de ver si son quien de facer una narración con diálogos, utilizando los signos afayadizos (puntos, comes, guiones, comines, etc.) y poniendo espresiones de tiempu y de llugar ensin que se repitan. Tamién ye perimportante que sepan ordenar el testu en párrafos, dexar márxenes y too eso.
Esti tipu de viñetes son mui amañoses pa trabayar les narraciones cuandu lo qu'interesa ye la forma. Poro, anque la hestoria ta mui clara y casi tolos rapazos la cuenten d'una manera asemeyada, pídese-yos tamién qu'afonden na descripción de cada viñeta y que digan más de lo que se ve nos dibuxos (el porqué de les coses, lo que pudo pasar enantes, lo que podría pasar dempués, etc.).

UN PROBLEMA MATEMÁTICU

2006-01-20T00:18:00.000+01:00

Pal amagüestu, los escolinos de primeru d'ESO esplicaron en público cómu se calculaba la capacidá d'un pipote de sidra. Pa ello prepararon una vara d'ablanu, una cinta de midir y un panel con una cartulina onde taba'l dibuxu del pipote y la fórmula sacada de la Enciclopedia Álvarez. Tratábase de midir cola vara la distancia (5,5 decímetros) desde'l furacu hasta'l puntu más alloñáu del interior del pipote y dempués elevala al cubu y multiplicar el resultáu por 0,625. Nun se sabe si la xente s'enteró bien de cómu se facía, porque tremaba l'escenariu, los micrófonos metíen roíu y los rapazos taben enforma nerviosos... Quedó demostrao que'l pipotucu llevaba un pocu más de 103 llitros de sidra. Pero, polos nervios, al facer la cuenta prodúxose un pequeñu error. ¡A ver si lu atopáis!

2006-01-17T23:52:00.000+01:00

Llibru pa los de 4º d'ESO

El misteriu de les campanaes, del gallegu Xabier P. Docampo, ta tornáu al asturianu por Esther Castro y tien dellos dibuxos de Pablo García. Ta editáu por Trabe nel añu 1992.
El reló nuevu d'Eiranova, a les doce de la nueche, da trece campanaes envede doce. Cincu rapazos pónense a investigar cómu ye posible qu'ocurra tal cosa y entamen a desenguedeyar delles pistes que'l misteriosu responsable d'esa campanada númberu trece va dexándo-yos.

2006-01-17T23:27:00.000+01:00

UN LLIBRÍN PERGUAPU PA LLEER

Los alumnos de primeru d'ESO tán lleendo Otto ye un rinoceronte, de Ole Lund Kirkegaard (tornáu al asturianu por Lourdes Álvarez). A vegaes pasa eso de que veis una cosa que llama munchu l'atención y decís-y a daquién: "mira, mira, rápido"; pero cuandu mira yá nun se ve la cosa. Esto pasa munchu viendo la tele y da rabia... Pues al protagonista d'esti llibru pása-y daqué paecío cola so moza: ella nun cree que con un llapiceru máxicu se pinte un rinoceronte mariellu y dempués cobre vida... Sille, la rapaza, piensa que Topper ta llocu y nun-y cree ná de tolo que diz.

2006-01-16T19:42:00.000+01:00

LES VACACIONES

ACABÁRONSE
¡Hala, toos pal colexu!
Pasaron les vacaciones de Navidá, tamos fartucos y hastiaos de xintar turrón y demás llambionaes. Yá tenemos les piles cargaes p'afrontar el segundu trimestre con más ganes. Comu'l tiempu tuvo enforma malu (o normal, según se mire) hubo tiempu pa lleer, facer dalgún trabayucu alredor del fueu y tamién pa enredar tol día. Vien la xente estrenando calcetos, forros polares, emepetreses, etc. Vienen goliendo a colonia nuevo y traen dalgún fatu d'esos de les rebaxes. De xuru que toos fiximos aquello que'l cura llamaba "propósitu de la enmienda" y vamos a trabayar n'armonía y a deprender muncho d'equí p'alantre... ¿Toi suañando?

2006-01-16T18:31:00.000+01:00

ALUMNOS DE 2º Y 3º DE ESO
Son hacia cuarenta en total y de nivel y actitú enforma estremaos. Nun ye fácil trabayar con ellos na clas normal y menos nel aula d'informática.
Hai que facer munches fotocopies pa ellos y, si tenemos en cuenta que la fotocopiadora s'estropia cada pocu, hai que dir a faceles al ayuntamientu, que queda al llau del colexu. Por ciertu: ellí la xente ye mui amable. ¡Gracies!

2006-01-16T17:58:00.000+01:00

ALUMNOS DE 1º DE ESO
Son siete chavales. Nun dan muncha guerra y llevámoslo bastante bien en clase: aparte de gramática y ortografía, falamos de munches coses d'enantes y d'anguañu (lo mesmo de tradiciones que del ganáu que de cine que de fútbol...) Precisamente, los rapazos son mui aficionaos al fútbol y tán xugando nel equipu de Ribadedeva, que ta en tercera infantil (grupu 5) anque paez ser que nun ganen munchos partíos. Tamién tán lleendo un llibrín que mos ta prestando a toos y que trata d'un rinoceronte mariellu. De xemes en cuandu escuchamos dalgún canciu.

2006-01-16T17:17:00.000+01:00

ALUMNOS DE 4º DE ESO
Son siete rapazos/es (na foto falta ún que taba malu esi día). Hailos que dan asturianu por primera vegada y eso fai que'l cursu seya un pocu comu entamar de ceru. Por eso, lleven una temporadina faciendo exercicios d'ortografía y de gramática pa que, más tarde, puedan espresase medianamente bien, tantu oralmente comu por escrito. Lo que paez que-yos cuesta enforma trabayu ye l'asuntu del allugamientu de los pronomes personales átonos. D'otra miente, tán lleendo un llibru y paez que lo faen con soltura: valdríen pa presentadores de la televisión autonómica (?)

2006-01-11T20:56:00.000+01:00

ESTI YE'L NUESU CENTRU
Ye un colexu d'educación básica, ye dicir, tien alumnos d'Infantil, Primaria y E.S.O. (alredor de doscientos sesenta). Asisten a él escolinos de tolos pueblos de Ribadedeva, tamién de les Peñamelleres y dalgún qu'otru d'Unquera. Al edificiu que vemos equí yá-y queda pocu tiempu yá que van facer un colexu nuevu. Tán fechos los planos y clavaos nel tablón d'anuncies de la sala profesores por si daquién quixere facer dalguna suxerencia... ¡Por favor, que tenga un salón d'actos! Nun fai falta que seya comu'l Licéu de Barcelona nin siquiera comu'l Campoamor d'Uviéu, pero que sirva pa facer tou tipu d'actos de los que se suelen facer pal Amagüestu, pa Navidá, pal Antroxu, pal Día les Lletres, etc. Por exemplu, los actos del Amagüestu d'esti añu tuvieron que facese nos soportales que podemos ver na foto (que nun reúnen les condiciones mínimes) porque tuvo un día malísimu. ¡A ver cuándu los arquitectos y los responsables d'educación s'enteren de que'l salón d'actos ye imprescindible nun colexu! Hai que gastar les perres con sentíu, en coses que, de verdá, merezan la pena.

Primer mensaxe

2005-11-21T19:42:00.000+01:00

Bienveníos al blog del colexu públicu de Ribadedeva.

BIENVENUS WELCOME WILLKOMMEN